Welsh Headings

Mae’r Adran Adennill yn y Gwasanaethau Refeniw yn gyfrifol am gasglu Treth Gyngor, Ardrethi Annomestig Cenedlaethol (Ardrethi Busnes) Dirwyon Parcio a Throseddau Traffig sy’n Symud, sydd heb eu talu.

Mae cyfle dros dro wedi codi i ymuno â’r Is-adran Adennill yn y Gwasanaethau Refeniw yn ystod cyfnod mamolaeth tan fis Medi 2027. Bydd deiliad y swydd yn gyfrifol am gymryd camau prydlon a phriodol i adennill dyledion sy'n ddyledus i'r Cyngor, yn unol â Deddf Tribiwnlysoedd, Llysoedd a Gorfodi 2007.

Bydd dyletswyddau o ddydd i ddydd yn cynnwys ymdrin â galwadau i mewn ac allan gydag aelodau o'r cyhoedd ynghylch y Dreth Gyngor, Ardrethi Busnes, Dirwyon Parcio, a thramgwyddau Traffig sy’n Symud sy'n ddyledus. Mae'r rôl yn cynnwys gweithio gyda chwsmeriaid i nodi'r dulliau mwyaf effeithiol a phriodol o adennill balansau sy'n ddyledus. Bydd hyn yn gofyn am rywfaint o negodi; felly, mae sgiliau cyfathrebu a rhyngbersonol cryf yn hanfodol.

Bydd gan yr ymgeisydd llwyddiannus brofiad o ymdrin ag ymholiadau dros y ffôn, bydd yn dangos agwedd gadarnhaol a hyblyg at waith, ac yn gallu bodloni terfynau amser a thargedau perfformiad. Rhaid iddo fod yn hyderus wrth flaenoriaethu llwythi gwaith a meddu ar sgiliau trefnu a chyfathrebu rhagorol. Mae angen gallu i gasglu a dadansoddi data a nodi cyfleoedd ar gyfer adennill hefyd.

Rhaid i ddeiliad y swydd allu dangos empathi wrth ddelio â sefyllfaoedd sensitif a chynnig cefnogaeth gywir ac ystyrlon i gwsmeriaid agored i niwed.

Mae hon yn rôl allweddol sy'n sicrhau bod incwm hanfodol yn cael ei sicrhau i gefnogi gwasanaethau cyhoeddus hanfodol.

Byddwch yn unigolyn llawn cymhelliant sy'n gallu gweithio dan bwysau gan fod cwrdd â therfynau amser yn rhan o’r swydd. Yn ogystal, bydd rhaid monitro a chadw cofnodion, ac o ganlyniad bydd angen sgiliau TG da.

Mae'r swydd yn cynnwys cyswllt ffôn dyddiol ag aelodau o'r cyhoedd; felly mae'n hanfodol eich bod yn gallu dangos sgiliau cyfathrebu hyderus a phendant ac mae sgiliau negodi cryf yn ofynnol. Oherwydd natur y rôl, gall y galwadau fod yn hir a chymhleth ac felly byddai profiad o adennill dyledion o fantais.

Mae gwybodaeth dda am y Dreth Gyngor / Ardrethi Busnes a Throseddau Traffig yn ddymunol.

Swydd dros dro yw hon tan fis Medi 2027

Rhaid i ymgeiswyr mewnol sy'n dymuno gwneud cais am y swydd hon ar sail secondiad gael cymeradwyaeth cyn gwneud cais gan ddefnyddio Ffurflen SEC1 (4.C.081). Dim ond y Cyfarwyddwr / Cyfarwyddwr Cynorthwyol / Prif Swyddog neu uwch swyddog enwebedig nad yw ar raddfa is na RhG2, neu, yn achos staff ysgolion, y Pennaeth / Corff Llywodraethu, sy’n gallu cymeradwyo ceisiadau.

Rhaid i chi fod yn barod i fod yn y swyddfa yn Neuadd y Sir 5 diwrnod yr wythnos am gyfnod llawn y cyfnod hyfforddi a all fod rhwng 6 a 9 mis.

Mae’r swydd hon yn addas i'w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

I gael sgwrs anffurfiol, ar ôl darllen y Disgrifiad Swydd / Manyleb Person, cysylltwch â Joe Norman / Ciara O’Hanlon / Sonia Marshall / Fiona Williams ar (029) 20871280.

Rydym yn deall y gallech chi ddefnyddio deallusrwydd artiffisial ac adnoddau eraill ar gyfer eich cais; fodd bynnag, gwnewch yn siŵr fod yr holl wybodaeth rydych chi'n ei chyflwyno yn ffeithiol gywir, yn onest, yn wreiddiol ac nad yw'n cynnwys syniadau neu waith nad yw'n eiddo i chi.

Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodol. Bydd y rheolwr llogi yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon cyn gwneud cais, cysylltwch â .

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan :

Gwybodaeth bwysig sydd angen ei darllen er mwyn cwblhau eich cais:-

Canllawiau Gwneud Cais

Gwneud cais am swydd â ni

Fframwaith Cymhwysedd Ymddygiadol

Gwybodaeth Ychwanegol:-

Pecyn Recriwtio

Siarter Cyflogeion

Recriwtio Cyn-droseddwyr

Nodyn Preifatrwydd