Swyddog Llety â Chymorth (Anghenion Cymhleth)

Mae Gwasanaeth Llety â Chymorth Cyngor Caerdydd yn darparu llety, cyngor a chymorth i bobl sengl agored i niwed sydd angen cymorth tai.

Mae ein gwasanaethau'n gweithredu 24 awr y dydd, 7 diwrnod yr wythnos, 365 diwrnod y flwyddyn, ac oherwydd newidiadau diweddar mae ein gwasanaeth wedi ehangu i ddiwallu anghenion y bobl sy'n defnyddio ein darpariaeth.

Rydym yn recriwtio ar gyfer nifer o swyddi o fewn ein Gwasanaeth Anghenion Cymhleth, a bydd yn ofynnol i ymgeiswyr llwyddiannus weithio 3 shifft yr wythnos (8yb–8yh) ar batrwm rota cylchol, sy’n cynnwys gweithio ar benwythnosau a gwyliau banc.

Mae rôl y Swyddog Llety â Chymorth yn gyfle cyffrous i unigolion ymroddedig gyfrannu at ddarparu gwasanaethau llety i bobl sengl.

Bydd deiliad y swydd yn rhan o dîm sy’n gyfrifol am bob agwedd ar reoli uned llety â chymorth, gan gynnwys rheoli’r adeilad, rheoli tai, gweithrediad dydd i ddydd y gwasanaeth, ac ymgysylltu â phreswylwyr.

Rydym yn chwilio am unigolion deinamig, llawn cymhelliant a chreadigol sydd â'r gallu i feithrin perthnasoedd cadarnhaol.

Mae hwn yn gyfle cyffrous, ac rydym yn awyddus i ddenu pobl o amrywiaeth o gefndiroedd gwaith i wneud gwahaniaeth gwirioneddol. Bydd profiad profedig o weithio gyda phobl sy'n arddangos ymddygiadau cymhleth, ynghyd â dealltwriaeth o'r heriau sy'n wynebu pobl sy'n ddigartref, yn fantais.

Gall yr amgylchedd gwaith fod yn heriol ar adegau, felly bydd y gallu i aros yn dawel ac yn broffesiynol o dan bwysau yn fantais. Bydd y rôl yn ei gwneud yn ofynnol i'r ymgeisydd llwyddiannus gefnogi'r tîm rheoli ym mhob agwedd ar weithrediad y gwasanaeth.

Mae 2 swydd barhaol ar gael.

Mae’r swyddi hyn yn amodol ar wiriadau Manylach gan y Gwasanaeth Datgelu a Gwahardd (DBS).

Mae’r swyddi gwag hyn yn addas ar gyfer rhannu swydd.

Dylai’r ymgeiswyr llwyddiannus feddu ar sgiliau cyfathrebu Cymraeg effeithiol hyd at Lefel 3 – Canolradd.

Rydym yn croesawu ceisiadau yn Gymraeg ac yn Saesneg. Ni fydd ceisiadau a dderbynnir yn Gymraeg yn cael eu trin yn llai ffafriol na cheisiadau a gyflwynir yn Saesneg.

Gan fod hon yn rôl mor ddiddorol, rydym yn eich annog i gael sgwrs anffurfiol ymlaen llaw drwy gysylltu â SpecialistHousingWFD@caerdydd.gov.uk.

Rydym yn deall y gallech ddefnyddio Deallusrwydd Artiffisial (AI) ac adnoddau eraill wrth gwblhau eich cais; fodd bynnag, gwnewch yn siŵr bod yr holl wybodaeth a ddarperir gennych yn ffeithiol gywir, yn onest, yn wreiddiol, ac nad yw’n cynnwys syniadau na gwaith nad ydynt yn eiddo i chi eich hun.

Sylwer nad yw’r Cyngor yn derbyn CVau. Wrth gwblhau adran y wybodaeth ategol yn eich cais, sicrhewch eich bod yn cyfeirio at y canlynol ar ein gwefan:

Canllawiau Ymgeisio

Gwneud Cais am Swydd gyda Ni

Fframwaith Cymwyseddau Ymddygiadol

Siarter y Gweithiwr

Recriwtio Cyn-droseddwyr

Hysbysiad Preifatrwydd