Rheolwr Contractau Partneriaethau VAWDASV

Ydych chi'n angerddol am wella canlyniadau i unigolion a chymunedau yr effeithir arnynt gan Drais yn erbyn Menywod, Cam-drin Domestig a Thrais Rhywiol (VAWDASV)?

Mae hwn yn gyfle sylweddol i arwain gwaith partneriaeth strategol a chyflawni effaith ystyrlon ar draws Caerdydd a Bro Morgannwg.

Mae cyfle cyffrous wedi codi i weithiwr proffesiynol medrus ac ymroddedig ymuno â'r Tîm Partneriaethau a Chydgomisiynu o fewn Oedolion, Tai a Chymunedau fel Rheolwr Contractau Partneriaethau VAWDASV.

Mae'r tîm hwn yn chwarae rôl hanfodol wrth ddatblygu, comisiynu a goruchwylio gwasanaethau sy'n cefnogi unigolion agored i niwed, gan weithio ar y cyd ag ystod eang o bartneriaid gan gynnwys sefydliadau Iechyd, Awdurdod Lleol a'r Trydydd Sector.

Mae'r swydd hon yn amodol ar drefniadau cyllid parhaus a chaiff ei hadolygu'n flynyddol.

Gwyliau blynyddol hael yn dechrau ar 28 diwrnod y flwyddyn, gan godi i uchafswm o 33 diwrnod y flwyddyn ar ôl 5 mlynedd, gydag opsiwn i brynu gwyliau ychwanegol

Trefniadau gweithio hyblyg , gan gynnwys mynediad at gynlluniau amser hyblyg

Mynediad i Gronfa Bensiwn Caerdydd a Bro Morgannwg sy’n cynnig pensiwn diogel a hyblyg

Cyfleoedd dysgu a datblygu rhagorol i gefnogi eich dilyniant gyrfaol

Cyfleoedd datblygiad proffesiynol a rheoli cefnogol

Byddwch yn arwain ar reoli a datblygu’r llwybr VAWDASV ledled Caerdydd, gan sicrhau y cyflawnir dyletswyddau statudol, gwasanaethau a gomisiynwyd, a threfniadau partneriaeth yn effeithiol

Bydd y rôl yn cynnwys:

Rheoli contractau a pherthnasoedd gyda rhwydwaith cymhleth o randdeiliaid, gan sicrhau y darperir gwasanaethau o ansawdd uchel ac y cydymffurfir â gofynion statudol

Arwain ar ddatblygu, gweithredu a monitro strategaeth VAWDASV ranbarthol mewn partneriaeth â Bro Morgannwg

Monitro, dadansoddi ac adrodd ar berfformiad gwasanaeth i uwch arweinwyr

Gweithredu fel y swyddog arweiniol ar gyfer datrys cwynion ac ymholiadau sy'n ymwneud â gwasanaethau VAWDASV

Rheoli staff sy'n gyfrifol am gydlynu strategaeth VAWDASV y Cyngor a chynorthwyo â’r gwaith o gyflwyno rhaglenni allweddol fel y fframwaith Hyfforddiant Cenedlaethol

Sicrhau cynrychiolaeth mewn fforymau amlasiantaethol fel cyfarfodydd diogelu a’r Gynhadledd Amlasiantaeth Asesu Risg

Gyrru datblygiad gwasanaeth a gwelliant parhaus o fewn fframwaith sy'n seiliedig ar drawma a seicoleg

Cefnogi’r gwaith o weithredu newid deddfwriaethol a pholisi ar draws y gwasanaethau tai, digartrefedd a diogelu

Mae'r rôl hon yn gofyn am sgiliau arwain cryf, gweithio mewn partneriaeth, a'r gallu i weithredu'n effeithiol mewn gwasanaeth cymhleth a sensitif.

Bydd yr ymgeisydd llwyddiannus yn dangos:

Profiad sylweddol o weithio o fewn gwasanaethau tai, digartrefedd, neu VAWDASV/diogelu

Profiad cryf o reoli contractau, partneriaethau a pherthnasoedd amlasiantaethol

Profiad o reoli cwynion, materion sy’n cael eu huwchgyfeirio a sefyllfaoedd sensitif

Profiad y gellir ei brofi o reoli llinell, gan gynnwys goruchwylio a rheoli perfformiad staff

Profiad o ddadansoddi data a chynhyrchu adroddiadau o ansawdd uchel i lywio darpariaeth gwasanaethau a gwaith monitro perfformiad

Y gallu i ddehongli deddfwriaeth gymhleth a'i throsi’n ymarfer gweithredol.

Sgiliau arwain, trafod a dylanwadu cryf.

Sgiliau trefnu ardderchog a'r gallu i reoli blaenoriaethau sy’n cystadlu.

Sgiliau TGCh a dadansoddi data lefel uchel

Sgiliau cyfathrebu ysgrifenedig a llafar rhagorol, gyda phrofiad o ymgysylltu â rhanddeiliaid amrywiol a chadeirio cyfarfodydd

Gwybodaeth ymarferol dda am ddigartrefedd a deddfwriaeth tai, gan gynnwys Deddf Tai (Cymru) 2014 a Deddf Rhentu Cartrefi (Cymru) 2016

Gwybodaeth dda o Ddeddf VAWDASV (Cymru) a'r fframweithiau diogelu ar gyfer oedolion a phlant

Ymrwymiad cryf i wella canlyniadau i oroeswyr VAWDASV

Gwytnwch a phroffesiynoldeb mewn amgylcheddau emosiynol heriol

Ymrwymiad i gydraddoldeb, amrywiaeth a darparu gwasanaethau cynhwysol.

Y gallu i weithio ar y cyd ac adeiladu partneriaethau effeithiol ar draws sefydliadau

Bydd gofyn i chi weithio ar draws amryw leoliadau yn unol â gofynion y gwasanaeth.

Mae’r swydd hon yn ddarostyngedig i wiriad Safonol gan y Gwasanaeth Datgelu a Gwahardd (DBS).

Swydd dros dro yw hon tan 31 Mawrth 2027 ac mae’n amodol ar drefniadau ariannu blynyddol.

Rhaid i ymgeiswyr mewnol sy'n dymuno gwneud cais am y swydd hon ar sail secondiad gael cymeradwyaeth cyn gwneud cais gan ddefnyddio Ffurflen SEC1 (4.C.081). Dim ond y Cyfarwyddwr / Cyfarwyddwr Cynorthwyol / Prif Swyddog neu uwch swyddog enwebedig nad yw ar raddfa is na RhG2, neu, yn achos staff ysgolion, y Pennaeth / Corff Llywodraethu, sy’n gallu cymeradwyo ceisiadau.

Dylai’r ymgeiswyr llwyddiannus allu cyfathrebu’n effeithiol yn Gymraeg ar Lefel 1 – Lefel Mynediad.

Mae’r swydd hon yn addas i’w rhannu.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

Bydd y broses gyfweld ar gyfer y rôl hon yn cael ei chynnal wyneb yn wyneb neu yn rhithwir gan ddefnyddio platfform ar-lein priodol. Bydd y rheolwr recriwtio yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon, cysylltwch â Jonathan Worlock (Jonathan.worlock@caerdydd.gov.uk).

Rydym yn deall y gallech ddefnyddio deallusrwydd artiffisial ac adnoddau eraill ar gyfer eich cais; fodd bynnag, gwnewch yn siŵr bod yr holl wybodaeth rydych chi'n ei chyflwyno yn ffeithiol gywir, yn onest, yn wreiddiol ac nad yw'n cynnwys syniadau neu waith nad yw'n eiddo i chi.

Sylwer nad yw'r Cyngor yn derbyn CVs. Wrth gwblhau adran gwybodaeth ategol eich cais, sicrhewch eich bod yn cyfeirio at yr isod sydd ar ein gwefan .

Gwybodaeth bwysig sydd angen ei darllen er mwyn cwblhau eich cais:-

Canllawiau Gwneud Cais

Gwneud cais am swydd â ni

Fframwaith Cymhwysedd Ymddygiadol

Gwybodaeth Ychwanegol:-

Pecyn Recriwtio

Siarter Cyflogeion

Recriwtio Cyn-droseddwyr

Nodyn Preifatrwydd