CYNLLUNYDD (POLISI CYNLLUNIO)

Mae cyfle cyffrous wedi codi o fewn y Gwasanaeth Cynllunio sydd wedi'i leoli o fewn y Grŵp Polisi.

Mae'r Grŵp Polisi yn gyfrifol am baratoi'r Cynllun Datblygu Lleol Newydd sy'n nodi gweledigaeth cynllunio hirdymor y Cyngor hyd at 2036. Fel Cynllunydd byddwch ar flaen y gad o ran ein helpu i gyflawni'r weledigaeth gynllunio hon ar gyfer y ddinas yn y dyfodol.

Eich rôl chi fydd helpu i lunio a gweithredu polisïau ar ystod o bynciau gan gynnwys twf tai a chyflogaeth yn y dyfodol i bolisïau sy'n anelu at fynd i'r afael â'r argyfyngau a ddatganwyd ar yr hinsawdd a natur. Mae hwn yn gyfnod sylweddol o newid i'r ddinas ac mae'r rôl hon yn rhoi cyfle i helpu llunio dinas yfory.

Byddwch wrth wraidd datblygu, gweithredu a monitro polisi cynllunio’r dyfodol ar gyfer y ddinas.

Byddwch yn gyfrifol am:

Gynorthwyo i lunio, gweithredu a monitro polisi a chanllawiau cynllunio, gan gynnwys paratoi'r gwaith sy’n mynd rhagddo ar Gynllun Datblygu Lleol Newydd Caerdydd a'r Canllawiau Cynllunio Atodol cysylltiedig,

Cynorthwyo i lunio mewnbwn y Cyngor i baratoi'r Cynllun Datblygu Strategol ar gyfer De-ddwyrain Cymru.

Casglu a dadansoddi data a drafftio adroddiadau a phapurau technegol i gefnogi'r gwaith o baratoi, gweithredu a monitro polisi cynllunio

Cyflwyno adroddiadau, papurau technegol mewn cyfarfodydd, pwyllgorau, ymchwiliadau cyhoeddus a sefydliadau allanol.

Cydlynu, cysylltu ac ymgysylltu â rhanddeiliaid mewnol ac allanol allweddol i sicrhau ymagwedd cydweithredol i gyflawni polisi cynllunio.

Ateb ymholiadau gan y cyhoedd, aelodau, cydweithwyr ac eraill ynglŷn ag amrywiaeth o faterion yn ymwneud â pholisi cynllunio

Mae’r rôl ar gyfer unigolyn brwdfrydig sy’n gallu dangos y gofynion ac yn meddu ar y profiad a nodir yn y Fanyleb Person. Rydym yn chwilio am berson diwyd a llawn cymhelliant sy’n gallu gweithio o’i ben a’i bastwn ei hun ac sy’n meddu ar sgiliau rhyngbersonol da i ymuno â’n tîm. Bydd y rôl yn gofyn am sgiliau cyfathrebu a threfnu rhagorol ynghyd â rhywfaint o wybodaeth a dealltwriaeth o'r materion sy'n ymwneud â Chynlluniau Datblygu Lleol.

Bydd y broses gyfweld ar gyfer y rôl hon yn cael ei chynnal wyneb yn wyneb neu fel arall ar sail rithwir gan ddefnyddio platfform ar-lein priodol. Bydd y rheolwr llogi yn cynghori ar fformat y cyfweliad fel rhan o'r broses recriwtio. Os oes gennych unrhyw bryderon ynghylch eich gallu i gymryd rhan mewn proses gyfweld rithwir, neu os hoffech gael sgwrs anffurfiol am y rôl hon cyn gwneud cais, cysylltwch â .

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan :

Gwybodaeth bwysig sydd angen ei darllen er mwyn cwblhau eich cais:-

Canllawiau Gwneud Cais

Gwneud cais am swydd â ni

Fframwaith Cymhwysedd Ymddygiadol

Gwybodaeth Ychwanegol:-

Pecyn Recriwtio

Siarter Cyflogeion

Recriwtio Cyn-droseddwyr

Nodyn Preifatrwydd